கால்பந்து வீரர் மெஸ்ஸிக்கு கொலை மிரட்டல் விடுக்கப்பட்டுள்ளது பரபரப்பை ஏற்படுத்தியுள்ளது.

அர்ஜென்டினா அணியின் கேப்டன் லியோனல் மெஸ்ஸி. இவருக்கு உலகளவில் ரசிகர்கள் உள்ளனர். நடந்து முடிந்த ஃபிஃபா கால்பந்து உலகக்கோப்பையில் இவரது தலைமையிலான அர்ஜென்டினா அணி கோப்பையை வென்றது.

கால்பந்து உலகக்கோப்பைக்கு பிறகு ஓய்வு பெறுவேன் என அறிவித்திருந்த மெஸ்ஸி, அணியின் வெற்றிக்கு பிறகு தொடர்ந்து விளையாடி வருகிறார்.

இந்நிலையில், மெஸ்ஸிக்கு மர்ம நபர்கள் சிலர் கொலை மிரட்டல் விடுத்துள்ளனர். அர்ஜென்டினாவின் ரொசாரியோ நகரில் இவரது மனைவிக்கு சொந்தமான சூப்பர்மார்கெட் ஒன்று உள்ளது.

இங்கு கடந்த வியாழன் அன்று முகம் தெரியாத இருவர் திடீரென துப்பாக்கி சூடு நடத்தினர். இந்த துப்பாக்கி சூட்டில் மொத்தம் 14 குண்டுகள் துளைக்கப்பட்டதாக தெரிவிக்கப்பட்டுள்ளது.

அதன் பிறகு,”மெஸ்ஸி நாங்கள் உனக்காக காத்திருக்கிறோம்” என்ற செய்தியும் தெரிவித்ததாக கூறப்படுகிறது.

மேலும் குறிப்பிடப்படும் இந்த மர்ம நபர்கள் மெஸ்ஸியிடம் பணம் பறிக்க நினைத்ததாகவும் வியான் நியூஸ் தளம் கூறுகிறது. துப்பாக்கி சூடு நடந்ததால் ஒரு நாளைக்கு மட்டும் சூப்பர் மார்கெட் மூடப்படும் என தெரிவிக்கப்பட்டுள்ளது.

கொலை மிரட்டல் விடுத்த மர்ம நபர்கள் யார் என போலீஸார் விசாரணை மேற்கொண்டு வருகின்றனர். மெஸ்ஸிக்கு கொலை மிரட்டல் விடுக்கப்பட்டது ரசிகர்களை அதிர்ச்சிக்குள்ளாக்கியுள்ளது

முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.

Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.

Pls send your Valuable feedbacks to : feedback@newssensetn.com

Follow us on:

Newssensetn : https://www.facebook.com/FullyNewsy

Nalam 360 : https://www.facebook.com/Nalam360

Newsnow: https://www.facebook.com/GenZSense

TamilFlashnews: https://www.facebook.com/tamilflashnewsapp

Hangout : https://www.facebook.com/TamilWanderlust