துவாரகா முதல் வாரணாசி வரை - புராணங்களில் இடம்பெற்ற இந்திய நகரங்கள்

இப்போது நாடு பிரிந்திருந்தாலும், இதிகாசங்களின்படி, இவை முன்பு ஒன்றாக இருந்தன. அப்போது நிறைய நகரங்கள் இருந்தன. அவற்றில் சில சில இன்றும் இருக்கின்றன, ஒரு சில நகரங்கள் அழிந்து போயிவிட்டன. அவற்றை குறித்து இங்கு காணலாம்

துவாரகா முதல் வாரணாசி வரை - புராணங்களில் இடம்பெற்ற இந்திய நகரங்கள்ட்விட்டர்

இந்தியாவின் வரலாறு நீண்டதாக உள்ளது. இந்த வரலாற்றின் அடிப்படையில், பல கலாச்சாரங்கள், பாரம்பரியங்கள் இருந்ததை நாம் அறிகிறோம்.

கலாச்சாரங்கள் என்று குறிப்பிடுகையில், இதிகாசங்கள் முக்கிய பங்கை வகிக்கின்றன. இப்போது நாடு பிரிந்திருந்தாலும், இதிகாசங்களின்படி, இவை முன்பு ஒன்றாக இருந்தன. அப்போது நிறைய நகரங்களும் இருந்தன.

இந்த நகரங்களில் சில இன்றும் இருக்கின்றன, ஒரு சில நகரங்கள் அழிந்து போயிவிட்டன. அவற்றை குறித்து இங்கு காணலாம்

துவாரகா

மகாபாரதத்தில் குறிப்பிடப்படும் இந்த நகரமானது கடலுக்குள் மூழ்கிவிட்டதாக நம்பபடுகிறது. இது இந்தியாவின் புனித தலங்களுள் ஒன்றாகும்.

தற்போது இருக்கும் துவாரகா 7 வது நகரம் என்றும் மற்ற ஆறும் அரபிக்கடலின் கரையோரத்தில் மூழ்கியதாக கூறப்படுகிறது. தொல்பொருள் ஆராய்ச்சியாளர்கள் கிமு 15 ஆம் நூற்றாண்டைச் சேர்ந்த இடிபாடுகளை மீட்டெடுப்பதில் மட்டுமே வெற்றி பெற்றுள்ளனர்.

அயோத்தியா

ராமாயணத்தின் ராமரின் பிறப்பிடமான இந்த நகரம், இந்தியாவின் புனித தலங்களுள் ஒன்று. வனவாசம் முடிந்து ராமர் அயோத்திக்கு திரும்பிய நாளை இங்குள்ளவர்கள் ஆண்டாண்டு காலமாக தீபாவளியாக கொண்டாடி வருகின்றனர்.

இங்கு 4 நாட்கள் தீபாவளி பண்டிகை கொண்டாடப்படுகிறது

ஹஸ்தினாபுரம்

மகாபாரதத்தின்படி, இந்த நகரம் பாண்டவர்கள் மற்றும் கௌரவர்களின் பிறப்பிடமாக, தலைநகரமாக விளங்கியது. தற்போது உத்தரபிரதேசத்தின் கீழ் இருக்கும் இந்த நகரத்தின் மிச்சங்கள், பண்டைய காலத்து அரசியல் மற்றும் மூலோபாயத்தின் ( strategy) சான்றாக உள்ளது.

இந்திரபிரஸ்தம்

மகாபாரத கதைகளின் படி, பாண்டவர்களின் தலைநகரமாக இது விளங்கியது. அதாவது, திரௌபதியை ஐவரும் திருமணம் செய்த பிறகு ராஜ்ஜியம் பிரிக்கப்பட்டபோது இந்த நகரம் பாண்டவர்களுக்கு வழங்கப்பட்டது.

தற்போது இந்த நகரம் தலைநகர் டெல்லியில் உள்ளது.

வாரணாசி தெருநாய்க்கு பாஸ்போர்ட் எடுத்து நெதர்லாந்து அழைத்து சென்ற பெண் - வாவ் ஸ்டோரி

வாரணாசி

இந்தியாவின் பிரதானமான புனித தலம் என்றால் அது வாரணாசி தான். இதனை காசி என்றும் அழைக்கின்றனர். இந்தியாவின் பழமையான நகரங்களில் ஒன்றான காசி அதன் கலாச்சார பின்னணிக்காக போற்றப்படுகிறது.

இந்துக்கள் இந்த நகரத்திற்கு வந்து கங்கையில் புனித நீராடுவதை வாழ்வின் முக்கிய அங்கமாக நம்புகின்றனர்.