எல் சாப்போ
ஜோவாகின் குஸ்மான் லோரா ஒரு இளைஞனாக போதைப்பொருள் வர்த்தகத்தில் நுழைந்தார். "எல் சாப்போ" அல்லது 5'6" குறைவான உயரம் கொண்டவர் என்ற புனைப்பெயர் கொண்டவர் 1989 ஆம் ஆண்டில் சினலோவா கார்டலை நிறுவினார். காலப்போக்கில் அதை ஒரு பெரும் லாபகரமான உலகளாவிய போதைப்பொருள் கடத்தல் நிறுவனமாக உருவாக்கினார். அவரது வன்முறைச் செயல்களுக்கும் சக்திவாய்ந்த செல்வாக்கிற்கும் பெயர் பெற்றவர் குஸ்மான். அவரது சொந்த நாட்டில் உள்ள அதிகபட்ச பாதுகாப்பு சிறைகளில் இருந்து தைரியமாக தப்பிக்க திட்டமிட்டார். அத்தகைய ஒரு தப்பித்தல் ஜூலை 2015 இல் நடந்தது. அடுத்த ஜனவரியில் அவர் மெக்சிகன் நகரமான லாஸ் மோச்சிஸில் மீண்டும் பிடிபட்டார். விசாரணைக்காக அமெரிக்காவின் நியூயார்க் நகருக்கு நாடு கடத்தப்பட்டார். பல குற்றச்சாட்டுக்களில் குற்றம் நிரூபிக்கப்பட்டு 2019 இல் அவருக்கு ஆயுள் தண்டனை விதிக்கப்பட்டது. அன்று முதல் அவர் அமெரிக்க சிறைகளில் வாழ்ந்து வருகிறார்.
Drugs
மெக்சிகன் போதைப்பொருள் மாஃபியாவான ஜோவாகின் "எல் சாப்போ" குஸ்மான் லோரா, மெக்சிகோவின் கிராமப்புற நகரமான பாடிராகுவாடோவில் பிறந்தார். டைம் இதழின் படி, அவர் பிறந்த தேதி ஏப்ரல் 4, 1957 என்று நம்பப்படுகிறது, இருப்பினும் பிறர் டிசம்பர் 25, 1954 ஐ அவரது பிறந்த நாளாக பட்டியலிடுகின்றனர். குஸ்மானின் குழந்தைப் பருவம் அவரது குடும்பத்தின் வறுமை மற்றும் அவரது தந்தையின் தவறான பழக்கங்களால் வடிவமைக்கப்பட்டது. குஸ்மானின் தந்தை வன்முறை குணம் கொண்டவர் என்பதோடு போதை பொருள் வியாபாரத்திலும் ஈடுபட்டவர்.
சிறிய பள்ளிப்படிப்பு முடித்தவுடன் அவரது பதின்பருவத்தில் குஸ்மான் வீட்டிலிருந்து வெளியேற்றப்பட்டார். இதனால் அவர் தனது சொந்த வழியில் செல்ல வேண்டிய கட்டாயம் ஏற்பட்டது. குஸ்மானும் தனது தந்தையின் வழியில் போதைப் பொருள் உலகிற்கு மாறினார். ஆரம்பத்தில் சிறிய வருமானத்திற்காக கஞ்சாவை வளர்த்தார்.
Angel Felix Gallardo
1970 களின் பிற்பகுதியில், குஸ்மான் போதைப் பொருள் வியாபாரத்தில் தனது இடத்தை நிரூபித்தார். மேலும் ஹெக்டர் லூயிஸ் பால்மா சலாசர் என்ற மற்றுமொரு இளம் வியாபாரியுடன் இணைந்து பணியாற்றத் துவங்கினார். மெக்சிகோவின் மேற்கு முனையில் உள்ள முக்கியமான போதைப்பொருள் கடத்தல் பகுதியான சினலோவாவிலிருந்து தனது சொந்த மாவட்டத்திலிருந்து போதைப்பொருள் கடத்தலை குஸ்மான் மேற்பார்வையிட்டார். அங்கிருந்து போதைப்பொருளானது வடக்கே கடலோர நகரங்களுக்கும் அமெரிக்காவிற்கும் பாய்ந்தது.
அவரது 20 களின் பிற்பகுதியில் குஸ்மான் ஆர்வமுள்ள மற்றும் அமைதியான முறையில் தொழிலில் ஈடுபட்டார். பிறகு குவாடலாஜாரா கார்டெல்லின் நிறுவனர் மிகுவல் ஏஞ்சல் ஃபெலிக் கல்லார்டோ என்ற மற்றொரு போதைப் பொருள் மாஃபியா மன்னனுக்காக போதைப்பொருள் போக்குவரத்தை மேற்பார்வையிட்டார். இது வரை குஸ்மான் ஒரு குறைந்த அளவிலான போதைப் பொருள் கடத்தல்காரனாக மட்டுமே அறியப்பட்டார்.
ஆனால் 1985 ஆம் ஆண்டு அமெரிக்க போதைபொருள்அமலாக்க நிர்வாகத்தின் (DEA) முகவரைக் கொன்றதற்காக அவரது முதலாளி கைது செய்யப்பட்டபோது, அவர் விரைவில் மெக்சிகன் போதைப்பொருள் உலகின் புதிய முகங்களில் ஒருவராக வெளிப்பட்டார்.
Drug Smuggling
F
அவரது முன்னாள் முதலாளியின் பிரதேசத்தில் சிலவற்றைப் பெற்ற குஸ்மான், 1989 ஆம் ஆண்டில் சினாலோவா என அறியப்பட்ட தனது சொந்த கார்டலை நிறுவினார். 1990 களின் முற்பகுதியில், குஸ்மான் DEA மற்றும் FBI இன் கண்காணிப்பில் இருந்தார். மற்றும் மெக்சிகோவின் மிகவும் சக்திவாய்ந்த மற்றும் ஆபத்தான போதைப்பொருள் கடத்தல்காரர்களில் ஒருவராகக் கருதப்பட்டார்.
மெடலின் மற்றும் காலி போன்ற கொலம்பிய போதைப்பொருள் கடத்தல்கார்களின் சக்தி குறையத் தொடங்கியதும், வெற்றிடத்தை நிரப்பும் மெக்சிகன் அமைப்புகளில் சினலோவாவும் இருந்தது. குஸ்மானின் வழிகாட்டுதலின் கீழ், தென் அமெரிக்காவிலிருந்து அமெரிக்கா வரை பரவியிருந்த கோகோயின் வர்த்தகத்தின் கட்டுப்பாட்டை அது எடுத்துக் கொண்டது.
வித்தியாசமான கடத்தல் முறைகளின் மூலம் சினாலோவா வெற்றியை ஈட்டத் துவங்கியது. குறிப்பாக மெக்சிகோ மற்றும் அமெரிக்க எல்லையில் நிலத்தின் கீழ் இயங்கும் குளிரூட்டப்பட்ட சுரங்கப்பாதைகளை நிர்மாணித்து கடத்தலை மேற்கொண்டனர். மற்றொரு முறையில் தீயை அணைக்கும் கருவிகளிலும், மிளகுத்தூள் என்று பெயரிடப்பட்ட கேன்களிலும் கோகோயின் தூளை மறைத்து வைத்து கடத்தினர்.
குஸ்மானின் சினாலோவா கடத்தல் நிறுவனம் ஹெராயின், கஞ்சா மற்றும் மெத்தாம்பேட்டமைன் ஆகிய போதைப் பொருட்களை அமெரிக்காவிற்கும் அதற்கு அப்பாலும் கடத்தியது. இறுதியில் சினாலோவா கார்ட்டலின் வியாபாரமானது உலகின் ஐந்து கண்டங்களைத் தொட்டு விட்டது. இதன் மூலம் உலகின் மிகப்பெரிய போதைபொருள் கடத்தல் கார்டெல்லாக அது உருவெடுத்தது.
குஸ்மான் அந்த வெற்றியை தீவிரமான வன்முறை கும்பல் வலிமையுடன் இணைத்தார். அவர் தனது பேரரசைப் பாதுகாக்க "லாஸ் சாச்சோஸ்," "லாஸ் டெக்சாஸ்," "லாஸ் லோபோஸ்" மற்றும் "லாஸ் நீக்ரோஸ்" போன்ற பெயர்களைக் கொண்ட வன்முறை கும்பல்களை நிறுவினார். பல ஆண்டுகளாக, குஸ்மானின் ஆட்கள் மெக்சிகோ முழுவதும் 1,000 க்கும் மேற்பட்ட கொலைகளைச் செய்ததாக குற்றம் சாட்டப்பட்டுள்ளனர். திறமையற்ற உதவியாளர்கள் மற்றும் போட்டி முதலாளிகள் உட்பட பலரை இவர்கள் இரக்கமின்றி சித்திரவதை செய்து கொன்றிருக்கின்றனர்.
1993 ஆம் ஆண்டில், குவாத்தமாலா அதிகாரிகள் குஸ்மானைக் கைது செய்து மெக்சிகோவிடம் ஒப்படைத்தனர். அங்கு அவர் குற்றவாளி என நிரூபிக்கப்பட்டு 20 ஆண்டுகள் அதிகபட்ச பாதுகாப்பு சிறைத்தண்டனை விதிக்கப்பட்டார்.
இருப்பினும், கம்பிகளுக்குப் பின்னால் கூட, குஸ்மான் தனது அதிகாரத்தைத் தக்க வைத்துக் கொண்டார். லஞ்சம் மூலம் அவரது போதைப்பொருள் நடவடிக்கையை நடத்துவதற்கு பெரும்பாலும் அனுமதிக்கப்பட்டார். மெக்ஸிகோவில் ஏற்கனவே நிறுவப்பட்ட அவரது புராணக் கதைகள் - அவரது சொந்த மாவட்டத்தில் உள்ள பல கிராமங்கள் குஸ்மானை ஒரு ராபின் ஹூட் போன்ற நபராகக் கண்டனர்.
Guzman Arrested
2001 இல் லஞ்சம் பெற்ற சிறைக் காவலர்களின் உதவியுடன், அவர் சலவை வண்டி மூலம் சிறையிலிருந்து தப்பித்தபோது அவரது புராணக்கதை வளர்ந்தது. மத்திய அரசின் விசாரணையில் வார்டன் உட்பட 71 சிறை ஊழியர்கள் கைது செய்யப்பட்டனர்.
இருப்பினும் சிறையிலிருந்து வெளியேறிய குஸ்மான் போதைப்பொருள் வியாபாரத்தில் இருந்து வெளியேறவில்லை. போதைப்பொருள் வியாபாரத்தின் குஸ்மான் தனது கட்டுப்பாட்டை மேலும் இறுக்கிக் கொண்டார். அடுத்த ஒன்றரை பத்தாண்டுகளில் தனது செல்வத்தை விரிவுபடுத்தினார். 2009 ஆம் ஆண்டில், சினாலோவா ஆண்டுதோறும் 3 பில்லியன் டாலரை ஈட்டியதாகக் கூறப்படுகிறது. இதில் குஸ்மானின் நிகர மதிப்பு மட்டும் 1 பில்லியன் டாலராகும். அதுவே உலகப் பணக்காரர்களின் ஃபோர்ப்ஸ் பட்டியலில் அவருக்கு 701வது இடத்தைப் பெற்றுத் தந்தது.
குஸ்மான் விரைவில் அமெரிக்க அரசாங்கத்தின் நம்பர் 1 போதைப்பொருள் இலக்காக ஆனார். இது அவரது கைதுக்கு வழிவகுக்கும் தகவல்களுக்கு 5 மில்லியன் டாலர் வெகுமதி வழங்கப்படும் என அறிவிப்பதற்கு காரணமாகியது. 2012 ஆம் ஆண்டில், அமெரிக்க அதிகாரிகள் அவரது குடும்ப உறுப்பினர்களின் அமெரிக்க சொத்துக்களை முடக்கினர்.
2006 ஆம் ஆண்டில் மெக்சிகன் அரசாங்கத்தால் தொடங்கப்பட்ட போதைப்பொருள் விற்பனையாளர்கள் மீதான ஆக்கிரமிப்பு தாக்குதல் குஸ்மானை கண்டுபிடிக்கத் தவறியது. அவர் சுதந்திரமாக தனது நாட்டைச் சுற்றி வந்தார். அந்த நேரத்தில் அவர் திருமணம் செய்து கொண்டார். விருந்தினர்கள் மத்தியில் போலிஸ் அதிகாரிகள் மற்றும் உள்ளூர் அரசியல்வாதிகளை உள்ளடக்கிய ஒரு பெரிய விருந்துடன் நிகழ்வைக் கொண்டாடினார்.
பிப்ரவரி 2014 இல், மெக்சிகோவின் பசிபிக் கடற்கரை நகரமான மசாட்லானில் உள்ள ஒரு ஹோட்டலில் குஸ்மான் இறுதியாக கைது செய்யப்பட்டார். குஸ்மானை அமெரிக்காவிடம் ஒப்படைக்க வேண்டும் என்ற அமெரிக்க அதிகாரிகளின் கோரிக்கைகளை நிராகரித்த மெக்சிகோ அதிபர் என்ரிக் பெனா நீட்டோ, குஸ்மான் மீண்டும் தப்பிக்க மாட்டார் என்று சபதம் செய்தார்.
ஆனால் அது உண்மையில் அப்படி நடந்ததா? அடுத்த பாகத்தில் பார்ப்போம்.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
