கோவா முதல் கொஹிமா வரை: சாப்பாட்டுக்காகவே சுற்றுலாப்பயணிகள் குவியும் இடங்கள்! twitter

இந்தியா

கோவா முதல் கொஹிமா வரை: சாப்பாட்டுக்காகவே சுற்றுலாப்பயணிகள் குவியும் இடங்கள்!

Antony Ajay R

Published:1st May, 2023 at 3:22 PM

ஒரு ஊரைச் சுற்றிப்பார்க்க பல காரணங்கள் இருக்கலாம். இயற்கை அழகை ரசிக்க, வரலாற்றுச் சின்னங்களைப் பார்வையிட, மக்களின் கலாச்சாரத்தை ரசிக்க, கோவில்களில் வழிபட என அடுக்கிக்கொண்டே போகலாம்.

இப்படி செல்லும் ஊர்களில் பலரும் சில காரணங்களால் அந்த ஊர்களின் தனித்துவமான உணவை ருசிக்காமல் விடுகிறோம். இதனால் அந்த ஊரை முழுமையாக சுற்றிப்பார்த்த நிறைவு நமக்குக் கிடைக்காது.

போகும் ஊர்களில் சாப்பிடுவது இருக்கட்டும், சாப்பிடுவதற்காகவே சில ஊர்களுக்கு போகலாம் என்றால் எங்கு போகலாம் தெரியுமா?

இந்தியாவில் அதன் தனித்துவமான உணவுக்காகவே விரும்பப்படும் சுற்றுலாத்தளங்கள் குறித்து தான் பார்க்கப்போகிறோம்.

கோவா

கொங்கண் கடற்கரை மண்டல உணவுகள் தனிச்சிறப்பு வாய்ந்தவை. கோவா செல்லும் போது தாய் உணவகங்கள், சீன உணவகங்கள், ஐரோப்பிய உணவகங்களுக்குச் செல்லாமல், அந்த மண்ணின் ருசியைப் பேசும் கடல் உணவுகளை சுவைக்கலாம்.

லடாக்

Thukpa, Ladakh

லடாக்கில் பாஸ்தா , பீட்சா கிடைக்கும் என்றாலும் உள்ளூர் உணவுகளான டிங்மோ, துக்பா, சுடாகி போன்றவற்றை முயற்சி செய்யலாம்.

கின்னௌர்

இமாச்சல பிரதேசம் மாநிலத்தில் கின்னௌரில் என்னதான் குளிர்ச்சியான காலநிலை இருந்தாலும் அங்கு கிடைக்கும் ராஜ்மா என்ற உணவுக்காக தான் சுற்றுலாப்பயணிகள் அங்கு செல்கின்றனர்.

Also read:Travel: இந்தியாவில் இருக்கும் இந்த Adults-only ஓட்டல்கள் குறித்து தெரியுமா?

ஜெய்சல்மார்

கட்டே கி சப்ஜி

ஜெய்சல்மாருக்கு செல்லும் சுற்றுப்பயணிகள் ராஜஸ்தானின் அழகை மறந்தாலும் கட்டே கி சப்ஜி, பாஜ்ரி கி ரோட்டி மற்றும் சூர்மாவின் சுவையை மறக்க மாட்டார்கள்.

கூர்க்

கூர்க் சமையலுக்கு தனித்துவமான ரசிகர் பட்டாளம் உண்டு. குறிப்பாக அங்கு கிடைக்கு கெடாம்புட்டு என்ற உணவை அனைவருமே ருசித்து உண்பர். பன்றி இறைச்சிக்கும் களிமண் நண்டுக்கும் கூர்க் பெயர்பெற்றது.

Also read:கற்கள் முதல் அழுகிய முட்டை வரை : உலக நாடுகளில் உண்ணப்படும் சில விசித்திர உணவுகள்!