பெண்கள் சமுகத்தில் ஒடுக்கப்பட்டு இருக்கும் நிலை இந்தியாவில் கால காலமாக இருந்து வருகிறது. இதனை எதிர்த்து பல தலைவர்கள் போராடியிருக்கின்றனர். எனினும் இன்றளவும் பெண்களின் உரிமைகளில் ஏற்பட்டிருக்கும் முன்னேற்றம் கடுகளவு தான் என்பதைக் காட்டுகிறது இந்த வீடியோ.

மத்தியபிரதேச மாநிலம் தாமோ மாவட்டத்தில் எடுக்கப்பட்ட இந்த வீடியோவில், பஞ்சாயத்து தேர்தலில் வெற்றி பெற்ற பெண்களுக்கு பதிலாக அவர்களின் கணவர்கள் உறுதிமொழி எடுப்பது தெரிகிறது.

பெண்களின் முன்னேற்றம் மற்றும் பிரதிநிதித்துவத்தை உறுதிபடுத்துவதற்காக இந்திய அரசியலமைப்புச் சட்டத்தின் படி, தேர்தல்களில் குறிப்பிட்ட இடங்கள் பெண்களுக்கு என்று ஒதுக்கப்படுகிறது.

தேர்தலில் வெல்லும் பெண்களுக்கு பதிலாக அவர்கள் வீட்டு ஆண்கள் ஆட்சியை நடத்துவது பெருவாரியான இடங்களில் நடைமுறை இருக்கிறது. இதற்கு எந்த மாநிலமும் விதிவிலக்கல்ல. இதனை எதிர்த்துப் பேசுவது சமீபத்தில் தான் அதிகரிக்கத் தொடங்கியிருக்கிறது.

ஆனால் இது பதவியேற்பில் கூட ஆண்கள் சென்று கலந்துகொள்ளும் அளவு மோசமாகியிருப்பது அதிர்ச்சியளிக்கிறது.

வீடியோ வெளியாகியிருக்கும் பகுதியில் 10க்கும் மேற்பட்ட பெண் வேட்பாளர்கள் வென்றுள்ளனர். ஆனால் மூன்று பேர் மட்டுமே உறுதிமொழி எடுத்தனர்.

சில பெண்கள் பார்வையாளர்களாக அமர்ந்திருக்க சிலர் அந்த விழாவிலேயே கலந்துகொள்ளவில்லை எனக் கூறப்படுகிறது. மாவட்ட நிர்வாகம் இந்த சம்பவம் குறித்து கேள்வி எழுப்பியுள்ளது. ஆண்கள் பதவியேற்க அனுமதிக்க அதிகாரிகள் விளக்கம் அளிக்க நிர்வாகம் சார்பில் கேட்டுக்கொள்ளப்பட்டிருப்பதாக ஊடகங்கள் கூறுகின்றன.

முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.

Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.

Pls send your Valuable feedbacks to : feedback@newssensetn.com

Follow us on:

Newssensetn : https://www.facebook.com/FullyNewsy

Nalam 360 : https://www.facebook.com/Nalam360

Newsnow: https://www.facebook.com/GenZSense

TamilFlashnews: https://www.facebook.com/tamilflashnewsapp

Hangout : https://www.facebook.com/TamilWanderlust